Një nga shkencëtarët e Oksfordit, i përfshirë në zhvillimin e vaksinës AstraZeneca, ka mbrojtur sigurinë e saj.
Adrian Hill tha se nuk shqetësohet që disa vende kanë zgjedhur të kufizojnë përdorimin e saj për shkak të dyshimeve për mpiksjen e gjakut.
Ai u shpreh se ekipet në të gjithë botën po punojnë për të identifikuar çdo mekanizëm të mundshëm që mund të shkaktojë trombozë.
Hill është dakord me Mbretërinë e Bashkuar dhe autoritetet evropiane që AstraZeneca ka më shumë përfitime pozitive, sesa negative.
I pyetur nëse ishte i befasuar nga raportet e trombozës në Britani, Norvegji, Gjermani dhe vendet e tjera, shkencëtari tha se efekte anësore kaq të rralla nuk do të ishin gjetur as në provat në shkallë të gjerë që përfshinin dhjetëra mijëra njerëz.
“Askush nuk mund të zbulojë diçka që ndodh në 1 në 300,000 njerëz dhe mund të shkaktojë një në një milion vdekje. Këto efekte anësore shumë, shumë të rralla, janë shumë të vështira për t’u zbuluar për çdo vaksinë”, shpjegoi ai.
