Si asnjëherë më parë në historinë e fesë islame, muaji i bekuar i Ramazanit i ka gjetur xhamitë bosh dhe besimtarët të izoluar në shtëpitë e tyre. Vendet e shenjta në Arabinë Saudite janë të zbrazura, e kjo panoramë është e njëjtë pothuajse në të gjithë botën.
Njerëzve u është kërkuar që ti kryejnë adhurimet në shtëpitë e tyre. Por shumë besimtarë kanë organizuar aktivitete online për të mbajtur gjallë sadopak shpirtin e bashkësisë, tipik për këtë muaj. Në londër do të mbahen iftare virtualë por edhe në vende të tjera do të shfrytëzohen platformat online për biseda dhe këshilla me tema të ndryshme.
Mjekët sugjerojnë që në orët e lejuara të ngrënies të konsumohen ushqime me përmbajtje të lartë vlerash ushqimore që të mos hasen vështirësi shëndetësore.
Këshilli Musliman i Britanisë së Madhe ka sugjeruar përgatitjen e menusë paraprakisht për të kufizuar udhëtimet e blerjeve dhe për të shmangur kontaktet me të tjerët.
Por në Paksitan, pas një muaji izolimi, qeveria ka pranuar të heqë kufizimet për besimtarët gjatë muajit të Ramazanit.
