Gjatë prezantimit të programit për shkollat dhe universitetet, kryeministri Edi Rama ka sulmuar ish-deputeten demokrate, Albana Vokshi, profesorin Mark Marku dhe analistin Agron Gjekmarkajn, të tre kandidatë për deputetë të PD-së.
Teksa i quajti kundërshtues të “reformës në arsim”, kreu i qeverisë tha se ata janë reaksionarë që vetëm shajnë nëpër foltore.
“Koha kur mësuesit e Shqipërisë ishin vetëm, të braktisur në mes të boshllëkut gërryes, kur arsimi shqiptar digjte brezat e nxënësve në zjarrin e keqqeverisjes së një tranzicioni të çoroditur. Nuk ishte në fushatat zgjedhore të shumë kohëve më parë pas përmbysjes së komunizmit, por deri dy fushata më parë, në 2013, gati çerek shekulli pasi komunizmi na la shëndenë koha kur mësuesit viheshin në rresht dhe mbushnin sheshet e mitingjeve elektorale të kryeministrit të kohës apo vendet e shfaqjes së kohës të partive të opozitës, si të ishin ata figurantët e paradave të dikurshme të 1 majit komunist që parakalonin kundër mbarë botës. A ju kujtohet ishte vetëm një dekadë më parë, rasti skandaloz kur mësuesit u përdorën për t’i bërë karshillëk opozitës që protestonte për të hapur kutitë e votimit. E po njësoj do të përdoreshin 2 vite më pas, për atë koncertin makabër në sheshin “Nën Tereza” kundër marshimit të heshtur nga opozita në nderin e dëshmorëve të 21 janarit. Ja ku i keni tre ministrat e KÇK-së, dhe një zonjë e njohur vetëm për fjalorin e saj, si sharrxhinj, sharro me sharrë dhe si sharës, shaj e shaj. Shaj kundër Reformës në Arsim, kundër çlirimit të shkollave nga tesktet e Bahri Fallinjve e muçove. Vetëm imagjinoni njëri, kaoni njërin dhe merrni me mend pastaj fëmijën tuaj në duart e kujtdo prej këtyre të treve.
Po ashtu, ai u shpreh se ndiehet krenar që PS e çliroi shkollën nga kthetrat e politizimit absurd.
