Kryeministri Edi Rama premton se nga data 20 prill punonjës të bizneseve të vogla dhe të mëdha që janë goditur nga kriza e pandemisë do të kenë në llogaritë e tyre pagën prej 40 mijë lekësh.
Me anë të një postimi në “Facebook”, shefi i qeverisë sqaron se nga paketa e zgjeruar do të përfitojnë 176 mijë familje.
“🟢 PAKETA E ZGJERUAR MBËSHTET ME NJË PAGESË DIREKTE 40.000 Lek (400USD) 176.000 MIJË FAMILJE
• 100 MIJË TË PUNËSUAR NË BIZNESET E VOGLA, TË CILAT JANË GODITUR NË XHIRON E TYRE GJATË JAVËVE TË KUFIZIMIT TË LËVIZJEVE
• 66 MIJË PUNONJËS NË BIZNESET E MËDHA QË JANË GODITUR GJATË KËTYRE JAVËVE NË VENDET E TYRE TË PUNËS
• 10 MIJË TË PUNËSUAR NË SEKTORIN E TURIZMIT
NGA DATA 20 PRILL SHUMA 40.000 Lek DO TË FILLOJË TË DERDHET NË LLOGARITË E TË GJITHË KETYRE INDIVIDËVE DHE BRENDA MUAJIT TË 176 MIJË FAMILJET PËRKATËSE DO TA KENË MARRË ATË👍”
Sipas Ramës, duke parë ecurinë e deritanishme të rasteve të reja të infeksionit, një pjesë e mirë e punonjësve të këtyre bizneseve do të rikthehen në punë brenda majit.
