Rama: Shpërndajmë titujt e pronësisë për shtëpitë e trashëguara në zonat me probleme në Himarë

Kryeministri Edi Rama ka qenë i pranishëm këtë të diel në Himarë, pasi ka shpërndarë titujt e pronësisë për shtëpitë e trashëguara në zonat kadastrale me probleme.

Në fjalën e tij, Rama tha se ky proces nuk ka qenë aspak i lehtë, por falë punës intensive është realizuar, teksa vlerësoi kryebashkiakun Vangjel Tavon.

Gjithashtu, kreu i qeverisë premtoi investime të tjera në Himarë në infrastrukturë.

Rama: Ky proces nuk ka qenë aspak i lehtë. Ne do të vazhdojmë me AMTP-të, që janë një tjetër sfidë më vete si rezultat i problematikash, që e kemi thënë, e kemi shpjeguar, që të gjithë e dimë, pasi zona e Himarës, ashtu dhe disa zona të tjera të Shqipërisë kanë pasur problem të trashëguara si rezultat edhe i mungesës së azhurnimeve dhe i shumë mbivendosjeve. Në 6 muaj kemi bërë atë që pritej prej shumë e shumë vitesh dhe kemi arritur që të gjithë bazën e punës së bërë në kohë e mëparshme, ta shfrytëzojmë për ti dhënë ritëm procesit. Merita e metriteve në këtë punë i takon vetëm Vangjel Tavos. Keni kapur Vangjelin e duhur, mos e lëshoni, se po qe për punë, një Vangjel ka kjo zonë. Do shikoni projekte të reja që do nisim, në mënyrë që ti japim vlerë çdo metri katror, çdo shtëpie, apartamenti duke përmirësuar apartamentin dhe duke rritur cilësinë e jetës përmes investimeve përmes  parkimeve publike. kemi një plan të ndërhyjmë në qendër të Himarës dhe ku fare mirë ku mund të bëhet një qendër shumë e bukur, për ta çliruar edhe më shumë energjinë, që mund të çlirojë qyteti dhe që brenda qyteti të jetë i vizitueshëm, të këtë më shumë njerëz dhe të këtë më shumë ekonomi. /vizionplus.tv