Në vajtjen e parë të kryeministrit Edi Rama në Vlorë pas zyrtarizimit të kandidaturave për deputet, në prezantimin e skuadrës së këtij qarku, në krah të kreut të qeverisë, si asnjëherë tjetër, mungonte kryebashkiaku Dritan Leli.
Ekipin e Vlorës, shton Vizion Plus, Edi Rama e bashkëprezantoi me drejtuesin politik Damian Gjiknurin.
EDI RAMA
KRYEMINISTER I SHQIPERISE
Arsyeja e rifreskimit të skuadrës lidhet me domosdoshmërinë për të përfshirë të tjerë, për të dhënë një mesazh të qartë edhe për të tjerë akoma, që nuk janë pjesë e kësaj skuadre deputetësh, por që janë pjesë e skuadrës së PS-së në Vlorë. Objektivi ynë për Vlorën është të marrim pa diskutim, numrin që kemi, 8 deputetë dhe deputete dhe duke kapur objektivin maksimal prej 9 deputetësh.
Ekipin kundërshtar, atë të Partisë Demokratike dhe aleatëve të saj e quajti të ç’organizuar dhe që nuk përfaqësoi një komunitet të konsiderueshëm të çamëve.
EDI RAMA
KRYEMINISTER I SHQIPERISE
Pala tjetër ka sjellë një listë të paligjshme me 17 vetë një çorodie dhe një talljeje brenda për brenda, për të akomoduar njerëz, për të futur njerëzit në halle e në sherr me njëri-tjetrin. Ndërkohë që çuditërisht, megjithëse janë 17 vetë, nuk është gjetur vend për një përfaqësues minoriteti, siç janë lënë në harresë totale përfaqësuesit e një komuniteti të madh këtu, komuniteti çam. Ndërkohë që, qoftë sekseri i Çamërisë, qoftë sekseri i Greqisë, kanë vajtur të dy bashkë në listën e Tiranës.
I larguari Alket Hyseni me mandat deputeti, pas vendosjes së tij i parafundit në listën e Vlorës ai është zëvendësuar nga Leonard Beqiri. Për rastësi një nga 12 emrat që synojnë karrigen e deputetit në parlamentin e ardhshëm nën siglën e Partisë Socialiste, është edhe Ilir Metaj.
EDI RAMA
KRYEMINISTER I SHQIPERISE
Përballë ne kemi një hata të madhe, plus dhe për ata që janë të lënduar me një familje të shpërbërë tanimë, LSI-ja, ne kemi Ilir Metën e vërtetë këtu. Ja ku është. Se dhe Ilir Meta i Tiranës, Ilir Metaj e ka, por thotë Meta. Ky është Ilir Metaj.