Kryeministri Edi Rama ka komentuar sërish pasditen e kësaj të enjtje përplasjes së ndodhur në seancën plenare në Kuvend, ku deputeti Edi Paloka e spërkati me bojë stilografi.
Shefi i qeverisë në përgjigjen e tij për komentuesit thekson se veprimi i Palokës sot ofendoi mikun e shqiptarëve Talat Xhaferin, i cili ishte i pranishëm brenda seancës parlamentare për të ndjekur ratifikimin e anëtarësimit të Maqedonisë së Veriut në NATO.
“Asnjë nga sëmundjet nuk i bën më dëm një shoqërie se budallallëku.Në rastin tonë është ende më i madh. Badallai është një njeri me shiringë në dorë që hedh bojën përjetë në Kuvend ndërsa budallallëku që i jep kurajo atij është një parti e tërë. Madje janë dy parti. Ky i sotmi është një palobudalla. Sot ishte dita ku të gjithë shqiptarët e Maqedonisë së Veriut i kishin sytë te Kuvendi i Shqipërisë por mjaftoi një palobudalla për ta bërë ditën e mavrisë me bojë.Për fatin më të keq dhe turpin më të madh kjo u bë dita e budallait shembullor.Kjo u bë dita e budallallëkut universal të opozitës, u bë dita e gjuhës së dhunshme. Sot një katran me bojë i vuri vulën me krenari një tjetër shfaqje turpëruese. Ata se kanë me mua, ata e kanë me ju. Unë jam vetëm pengesa mes tyre dhe jush. Prandaj vendosmëria nuk më bie por vetëm më shtohet. Këta janë dhe mbeten një pakicë që shumicë dot nuk bëhen.”
