Kryeministri Edi Rama premtoi se deri në fund të vitit 2021 në 62 zona urbane të Shqipërisë do të ketë ujë të pijshëm 24 orë.
Premtimin ai e bëri teksa pa nga afër impiantin e ri në Bovillë që pritet të dyfishojë furnizimin me ujë të pijshëm në Tiranë.
“Një kompani italiane ka vendosur gurin e parë në këtë projekt që ka zgjatur thuajse 30 vite. Ne e nisëm këtë si me rrugët. Por me rrugët jemi mësuar të flasim më shumë. Me rrugët është bërë më shumë propagandë se janë falsifikuar e gënjyer më shumë, janë bërë më shumë shirita, tendera etj. Ka pasur 28 strategji kombëtare para vitit 2013 për ujin në Shqipëri. Ne sot jemi në kushtet kur po investojmë në 55 zona urbane. Nga 7 zona që deri në 2013 numëroheshin si zona plotësisht të furnizuara me ujë. Faktikisht në 50 zona urbane mbeten jashtë listës së përgjithshme, vetëm 7 të tjerë. Ne shkojmë në 62 zona urbane të Shqipërisë që do furnizohen me ujë në 24 orë deri në shtator të 2021.”
