Kryeministri Edi Ramai shoqëruar nga ministri i Turizmit dhe Mjedisit Blendi Klosi, në kuadët të projektit “100 fshatra” këtë të premte kanë qenë në Pustec të Korçës.
Kreu i qeverisë ka kërkuar bashkëpunimin e të gjithëve për ta kthyer këtë zonë në një nga zonat më të kërkuara nga turistët.
Ai ka kërkuar jo vetëm mbështetjen e banorëve të zonës, por dhe të gjithë atyre që jetojnë e punojnë në emigrim që me kursimet e tyre të kthejnë kokën dhe të investojnë në vendlindje.
“Ne kemi një program që financion një gjë të tillë ne financiojmë bujtina ne financiojme hotele që kanë profilin e agroturizmit, duhet një iniciative e përbashkët. Paratë që ne i kemi nuk janë shumë por janë aq sa ne nuk kemi arritur ti shpenzojmë për mungese projektesh dhe bashkëpunimi, në këtë rast qeveria i ka vënë këto fonde në dispozicion. Me vënien në dispozicion të fondit të marrë nga Komisioni Evropian, nuk janë kredi nuk janë borxhe por para që ndihmojnë të gjithë ato njerëz që dëshirojnë ta kthejne një ndërtese në hotel apo bujtinë për të shpalosur vlerat kulturore dhe mikpritëse të zonës së tyre. Kjo është një iniciative që nga natyra e vet dhe ajo e emigracionit prek drejtpërdret emigrantët të cilat paratë që kanë lënë mënjanë të ndërtojnë një bujtinë, në vendlindjet e tyre ne ndihme të agroturizmit.”
Një frymë e tillë bashkëpunimi sipas kryeministrit do ti japë jetë turizmit në këto zona piktoreske që nëse do të ishin në një vend tjetër të Evropës do të sillnin fitime të mëdha.
