Kreu i qeverisë Edi Rama ka ndarë në Facebook një video nga Shkodra ku po punohet për vendosjen e semoforëve.
Rama ka thumbuar ish-kryeministrin Sali Berisha, të cilin shpesh kemi dëgjuar ta quajë “të vdekur të pakallur”.
Kryeministri shkruan krahas videos, se Shkodra nuk ka pasur kurrë semaforë në 30 vitë demokraci. Kujtojmë që Shkodra ka qenë gjithmonë një bashki e qeverisur nga demokratët, por në zgjedhjet e 14 majit 2023, u fitua nga socialisti Benet Beci.
“A e dini se Shkodra s’kishte asnjë semafor, as edhe një, qoftë edhe një shtyllë semafori të ngulur si tentativë, në 30 vjet liri-demokraci?
Tani jo për të ngacmuar të vdekurit e pakallur, as për të thënë largqoftë se çoç po ndodh, po fakti që më në fund edhe Shkodra do të ketë semaforë, është mbase shembulli më ulëritës mes mijëra shembujve të cilët tregojnë pse e vetmja forcë civilizimi, progresi, modernizimi në Shqipëri, është Partia Socialist”, shkruan Rama.
