Kryeministri Edi Rama ka shpërndarë në një postim në Facebook, projektin e Piramidës së Tiranës, duke theksuar se pas 30 vjetësh në agoni ajo do të kthehet në një tjetër kryevepër të zhvillimit urban.
Rama thotë gjithashtu se Piramida do të kthehet në pikëtakimin e ri të të rinjëve si dhe në një zonë tërheqëse për të gjitha moshat.
“MIRËMËNGJES dhe me projektin e Rilindjes së Piramidës, e cila pas 30 vjetësh agoni, do të kthehet në një tjetër kryevepër të zhvillimit urban, që do të përhapë kudo nëpër botë lajmin e radhës për Tiranën e për Shqipërinë moderne që duam, duke u bërë pikëtakimi i ri i më të rinjve me të ardhmen përmes “Qendrës Rinore për Teknologjitë Krijuese”, si edhe një tjetër zonë tërheqëse për të gjitha moshat, ju uroj një të dielë të bukur”
