Kryeministri Edi Rama ka ndarë sot medalje për maturantët ekseletnë. Në ceremoninë e organizuar në Kryeministri, kreu i qeverisë i vlerësoi ata për arritjet në mësime.
Gjatë fjalës së tij, Rama kujtoi edhe njëherë vizitat e tij në familje në kushte të vështira ekonomike teksa theksoi se në këto familja ka takuar fëmijë të shkëlqyer në mësime, ndonëse mësonin në kushte tepër të vështira.
“ Për shkak të detyrës kam vizituar familje në situata të vështira, ajo q më mbetet si mbresë është fakti që në ato familje ku në ndonjë rast dhe vetë çatia ishte e pamjaftueshme për të mbajtur shiun, kam, pasur privilegjin të takoj fëmijë që shkëlqenin në mësime. Fëmijë që mësonin në kushtet më të pamundura dhe që ktheheshin në shtëpi me dhjeta. Nuk mjaftoheshim me shqipen, por flisnin anglisht rrjedhshëm, ndëkohë q ënë shtëpinë e tyre diskutohej sfida e përditshme e ushqimit në tavolinë.
Kjo ceremoni është pasqyra e një brezi që kalon kohën e vet më të bukur të shkollës në situata që nuk i ngjajnë njëra-tjetrës, por që mbledh këtu një grup të konsiderueshëm vajzash dhe djemsh, por që i bashkon këtu fakti që janë këtu po njësoj të gjithë të shkëlqyer. Medaljet do i dorëzohen secili një nga një,” u shpreh Rama.
