Kryeministri Edi Rama këtë pasdite të së martës ka zhvilluar një takim me fermerë të Baldushkut, pak kilometram larg Tiranës.
Kryeministri u bëri të ditur fermërëve se qeveria ka bërë, por ka ende shumë për të bërë lidhur me bujqësinë. Rama është shprehur se kryesore për fermerët është të marrin çertifikatat e pronësisë.
“Me Fondin Kombëtar të Garancisë ne kemi filluar dhe janë mbi 300 kërkesa për kredi që janë dhënë tashmë. Ajo që dua unë është që bashkitë të hyjnë në bashkëpunim me fermerët sipas kërkesave”, tha Kryeministri Rama.
Kreu i qeverisë u shpreh se, “bashkia duhet bashkohet me organet e interesuara dhe të bëjnë një projekt për ato që nevojitet për realizimin e prodhimit, mbledhjen e prodhimit dhe daljen në treg. Ato janë kredi që janë të garantuara nga shteti dhe bankat janë të interesuara sepse nuk ka rrezik për fermerin”.
“Ajo që është më e rëndësishe është që përmes bashkisë ne t’i informojmë njerëzit”, tha Rama.
Rëndësi, shtoi ai, “është që fermerët të bashkohen dhe të bëjnë sasi të prodhimit në mënyrë që tek pika e grumbullimit kur ka sasi të mëdha vijnë ta marrin dhe e nxjerrin në treg”.
