Rama flet për Samitin në Bruksel, Berisha nga selia blu: Bllokoi negociatat, do kërkojmë dorëzimin e mandatit

Paralelisht me konferencën e kryeministrit Rama në ambientet e kryeministrisë ku po flitet për Samitin e BE-së në Bruksel, në selinë blu, Sali Berisha në një deklaratë për mediet e akuzon se ka bllokuar çeljen e negociatave. Ai ka deklaruar se do të kërkojnë dorëzimin e mandatit nga kreu i qeverisë.

Berisha: Në deklaratën e liderëve të BE, të mbledhur në Bruksel me udhëheqjen e vendeve të Ballkanit Perëndimor, rezulton se Shqipëria mbetet në klasë. Prej një viti e gjysëm nga takimi i Brukselit, negociatat de facto nuk po hapen. Edi Rama është shkaktari kryesor i këtij bllokimi de facto të procesit të integrimit nga viti 2013 gjer në vitin 2023, pra nj dekadë me radhë.

Sipas Berishës, Edi Rama për interesa personale ka përkeqësuar gjendjen ekonomike të vendit dhe ka zëvendësuar shtetin ligjor me kodin e mafies dhe narkoshtetit.

Berisha: E vërteta është se në deklaratën e liderëve të BE, çështja më kryesore, apo numër 1, që pengoi hapjen de facto të negociatave me Shqipërinë, është mungesa e dialogut për shkak kjo të qëndrimeve dhe veprimeve të Edi Ramës, grusht shteti brenda shtetit, duke marrë të gjitha kompetencat e parlamentit.

Berisha theksoi se PD do paraqesë kërkesën për dorëzimin e mandatit të kryeministrit Edi Rama./vizionplus.tv