Aksioni i opozitës është mbështetur nga një pjesë e qytetarëve, por edhe është kritikuar nga një pjesë tjetër. Për shkak të tensioneve dhe kaosit të krijuar, seancat plenare po mbyllen për pak minuta, ose komisionet po zhvillohen online. Një gjë e tillë u bë edhe kur kaloi buxheti për vitin 2024, i cili u miratua për 12 minuta.
Por për demokratët, aksioni i tyre është rruga e vetme përballë mazhorancës.
Deputeti i PD Luan Baçi në një intervistë për emisionin 7pa5 në Vizion Plus deklaroi se atyre po u mohohet e drejta kushtetuese për ngritjen e komisioneve hetimore, teksa shtoi se opozita po kërkon rikthimin e parlamentit në normalitet.
“Ne kemi vetëm dy rrugë”, tha Baçi, ose të braktisim parlamentin ose të ballafaqohemi me mjetet qëe mazhoranca na vë përballë.
“Opozita është e detyruar për të reaguar në këtë mënyrë. Shpesh herë thuhet se opozita bllokon parlamentin dhe komisionet. Opozita kërkon të kthejë në normalitet atë vend që deputetët e kanë marrë nga votat e qytetarëve. Është mazhoranca ajo që bllokon kuvendin dhe mohon të drejtat kushtetuese.
Është shkelje e të drejtave të opozitës. E përbën kushtetuta që deputetët e opozitës kanë të drejtë të ngrejnë komisione hetimore. Mazhoranca e sfidon dhe bllokon, ka arritur deri aty sa do bëjë projektligj të ri për ti vënë kufizime këtij ligji ekzistues.
Ne kemi përpara një kryeministër që është diktator dhe nuk merr parasysh vendimet e Gjykatës Kushtetuese. Revolta jonë është e domosdoshme. Ne nuk na pëlqen e nuk ndihemi mirë që jemi në këto pozita, që detyrohemi të bëjmë këto veprime. Ne nuk kemi cfarë ti themi qytetarëve kur na thonë që ccfarë bëni ju
Ne kemi vetëm dy rrugë, ose të braktisim parlamentin ose të ballafaqohemi me mjetet që mazhoranca na vë përballë“, tha Baçi./vizionplus.tv
