Kryeministri Edi Rama tha se në Hotele nga Durrësi deri në Gjirokastër janë zhvendosur deri tani rreth 2472 persona, të cilët nuk janë vetëm ata që kanë humbur shtëpine por edhe që janë traumatizuar nga pasojat e tërmetit.
“Tërësia e personave të akomoduar vetëm në hotele është 2472 persona.Nga Durrësi deri në Gjirokastër janë akomoduar persona të prekur nga tërmeti. Nuk ka vetëm nga ata që kanë humbur shtëpitë, por edhe të traumatizuar.Ne nuk do të lëmë njerëz të traumatizuar pa u shërbyer në këtë fazë të parë. Ministri i Turizmit në bashkëpunim me të gjitha strukturat që janë ofruar për të bërë këtë shërbim po punon ngushtë edhe me shtabet e emergjencave për të vlerësuar çdo familje si familje që do të trajtohet në një afat të gjatë. Dua që edhe këta njerez që janë sistemuar në Hotele të kthehen avash avash në jetën e tyre normale. Sallet e konferencave të hoteleve do të kthehen në mjedise kur do të bëhet mësim.
Ai kërkoi nga strukturat hoteliere, drejtuesit e tyre dhe stafe që të mos I trajtojnë personat që kanë shkuar aty si turistë por si pacientë, të traumatizuar nga pasojat e tërmetit.
