Radhë të gjata janë shënuar gjatë ditës së sotme në pikën e kalimit kufitar të Qafë Thanës, si pasojë e fluksit të lartë të qytetarëve që po dalin nga Shqipëria drejt Maqedonisë së Veriut.
Burime zyrtare bëjnë me dije se trafik i ngarkuar ka edhe në anën tjetër të kufirit, nga pala maqedonase, çka ka ndikuar në ngadalësimin e qarkullimit.
Për të përballuar situatën dhe për të shmangur pritjet e gjata, policitë kufitare të të dy vendeve po punojnë me procedurë të përshpejtuar dhe me personel të shtuar në sportele.
Autoritetet u bëjnë apel udhëtarëve për durim dhe mirëkuptim, si dhe për të ndjekur udhëzimet në kohë reale për pikat kufitare alternative.
/vizionplus.tv
