E shtunë, 21 Nëntor 2026 Dielli i Dimrit deri në 15:00 Në vijim ora 15:00: Lajme Ora 15:00 dhe Moti Reklamo Kontakt Karriera
Vizion Plus
Video · Vendi

Qytetarët rrezikojnë jetën, pasi nuk respektojnë rregullat

Nje grua rreth te 40-ve është aksidentuar ketë te mërkure tek zona e Misto Mames ne kryeqytet.

 

Ajo ishte duke kaluar rrugën, teksa nje makine tip benz e ka goditur, duke i shkaktuar plage te renda.

 

Reklamë

Sipas dëshmitareve, makina po lëvizte me shpejtësi te madhe. Gruaja është transportuar menjëherë ne spital, ku ndodhet ne gjendje kritike për jetën. Policia shoqëroi shoferin e mjetit ne komisariat duke marrë dhe dëshminë e tij.

 

Kjo rruge nuk ka vija te bardha apo mbikalime që mund t’u shërbejnë këmbësoreve ndaj është bere shpesh burim aksidentesh.

 

Rasti i Misto Mames është aksidenti i dyte që ndodh brenda 24 orëve ne Tirane.

 

Dje ne mëngjes ne ketë vend pranë stacionit te Trenit,  një qytetar u godit nga një motor policie. Sot, po aty njerëzit kalojnë duke mos respektuar asnjë rregull.

 

Vete qytetaret shprehen se i dine funksionet e vijave te bardha, por prapë nuk i respektojnë, sepse sipas tyre, te kalosh tek vijat e bardha është humbje kohe dhe vonese.

 

Gjate periudhës janar korrik, te këtij viti, si pasoje e ecjes pakujdes ne rruge te këmbësoreve, janë shkaktuar gjithsej 217 aksidente rrugore, ku 23 kane qene me pasoje vdekjen.

 

Më shumë video

Reklamë