Aktet e dhunës mes tifozëve ne Marseje kane vene ne lëvizje qeverinë franceze, e cila u ka kërkuar autoriteteve ne qytetet ku po zhvillohen ndeshjet e Euro 2016 te ndalojnë alkoolin pranë stadiumeve dhe zonave ku grumbullohen fansat. Ministri i Brendshëm francez Bernard Cazeneuve kërkoi marrjen e masave per te ndaluar shitjen, konsumimin dhe transportin e pijeve alkoolike ne zonat e ndjeshme, vendet e grumbullimit te tifozëve. Ndalimi do te përfshije edhe zonat publike dhe dyqanet. Po kështu nuk do te lejohet servirja e pijeve nga tarracat e bareve. Ky reagim erdhi pas episodeve te dhunës mes tifozëve ruse e britanike ne Marseje. Për ministrin ngjarje te tilla janë te papranueshme jo vetëm per autoritetet, por edhe per shoqërinë dhe dashamirësit e futbollit. Rusia dhe Anglia mund te përjashtohen nga kampionati nga UEFA, nëse përplasjet mes tifozëve te këtyre dy kombëtareve do te vazhdojnë. Qeveria britanike është ofruar te dërgoje police shtese përpara ndeshjes se ardhshme te Anglisë qe do te përballet me Uellsin ditën e enjte ne stadiumin e Lensit.
