Identifikohen dy personat që humbën jetën këtë të shtunë në Tiranë.
26-vjeçari që goditi me thikë 31-vjeçaren nga Gana është Kliton Pira. Ndërkohë që viktima grua është identifikuar si Jawsackie Jaboah.
I riu u hodh nga kati i 8 i pallatit, pasi qëlloi me thikë 31-vjeçaren, e për pasojë ndërroi jetë në vend. Pas plagosjes, 31-vjeçarja arriti të dilte nga banesa që kishin marrë me qira për të kërkuar ndihmë. Ajo u transportua në spital, por nuk mundi t’iu shpëtonte plagëve.
Ngjarja e rëndë ndodhi në një banesë në bulevardin “Gjergj Fishta”.
