Policia e Durrësit ka arrestuar një 30-vjeçar, i cili qarkullonte i armatosur me armë zjarri.
Në kuadër të operacionit “Informacioni” u vu në pranga shtetasi H. K., 30 vjeç, banues në Durrës.
Policia njofton se ky shtetas u kap në flagrancë në një apartament të marrë me qira në lagjen nr. 11, Durrës, në kohën kur kishte hyrë në banesë dhe, gjatë kontrollit, në brendësi të çantës marsup të tij iu gjet dhe iu sekuestrua, në cilësinë e provës materiale, një armë zjarri tip pistoletë me municion luftarak.
Në apartament, së bashku me të, ndodhej dhe shtetasja K. Sh., 28 vjeçe, banuese në Tiranë, e cila u procedua penalisht në gjendje të lirë për veprën penale “Moskallëzimi i krimit”.
