Ndërkohë që për fytyrën kujdesemi çdo ditë dhe e ruajmë nga ndikimet e ndryshme dëmtuese të cilat i shkaktojnë shenjat e plakjes, lëkurën e qafës shpesh e harrojmë.
Ajo që shumica e vajzave dhe grave nuk e dinë është që tek qafa shihen më tepër shenjat e plakjes dhe rrudhat (edhe në duar).
Ne ju japim disa këshilla se si të ndaloni plakje e hershme që vjen me moshën.
1.Vendosini gjithmonë krem mbrojtës nga dielli
Gjëja më e rëndësishme për të cilën gjithmonë duhet patjetër të mendoni është përdorimi i kremit me faktorin mbrojtës. Aq më tepër, është e nevojshme që të përdorni shumë më tepër kremra në qafë, sesa në fytyrë. Mos harroni edhe pjesën e gjoksit që ekspozoni.
2.Mbroni qafën me kapele
Mbajtja e kapeles mbron trupin tonë nga rrezet e drejtpërdrejta të diellit, ndërkaq në këtë mënyrë edhe mbroheni nga djegia e lëkurës, derisa kapela mbron lëkurën “nga lart”. Në këtë mënyrë nuk do t’i krijoni vetes njolla të cilat gjithnjë e më shumë femra i kanë në moshë të re.
3.Mos blini kremëra të posaçme, mjafton ai i fytyrës
Në farmaci dhe në dyqane kozmetike mund të blini kremra të posaçme për lëkurën e qafës dhe të gjoksit (dekoltesë), mirëpo në përgjithësi krejtësisht të mjaftueshme janë kremrat për fytyrë. Kërkoni produkte me peptide dhe retinole, të cilat ngadalësojnë plakjen dhe ripërtërijnë lëkurën.
4.Flini drejt me fytyrën nga tavani
Kjo është poza më e mirë e gjumit për shumë arsye, gjatë natës lëkura e qafës do të jetë e tendosur, ndërsa kur flini me bark i bëni presion fytyrës dhe qafës për shkak të pozitës së kokës në jastëk. Gjumi me bark shkakton shfaqjen e rrudhave.
5.Shikoni më pak celularin
Falë aplikacioneve të ndryshme interesante, shikimi ynë shpesh është i drejtuar me sy poshtë, përkatësisht në celular. Rrudhat horizontale në qafë të cilat shfaqen kur përkulim kokën poshtë, me kalimin e kohës mund të thellohen për shkak të lakimit të shpeshtë të lëkurës së qafës. Ose shikoni më pak fotografi në Instagram ose mbani telefonin në nivelin e syve, në mënyrë që të mos jeni të detyruar të përkulni kokën./Living/
