Sot morën dozën e parë të vaksinimit kundër COVID një pjesë e personaliteteve të shquar shqiptarë.
Zv.kryeministri Erion Braçe, teksa i falenderoi për vlerat dhe kontributin e tyre artistik në skenat shqiptare, nuk ka hezituar t’iu drejtohet me një mesazh edhe kritikëve, të cilët nuk e pritën mirë vendimin për të vaksinuar të parët personalitetet e moshuar.
“Jete te gjate dhe, faleminderit per artin, punen, vlerat, dinjitetin tuaj! Ne anen tjeter, ja vlen te kujtoj se, sot eshte dita per te bere bilancin: ne fillim na thane se nuk ka covid, eshte konspiracion per te ndalur protestat, pastaj se po mbyllni vendin per te mbyllur ne shtepi kundershtaret, me tej se nuk keni spitale, nuk keni respiratore, nuk keni veshje, me tej akoma se vaksina eshte nje konspiracion me cipa, pastaj se nuk po gjeni vaksinen, nuk po sillni vaksinen, po e sillni kontrabande, tani ne fund por jo per fund se pse po vaksinoni personalitete mbi 80 vjec, eshte genocid, kur ne fakt ata jane te paret e vaksinimit te mbi 80 vjecareve! Neveri per ta! Nderkohe edhe nje here shume faleminderit gjithkujt qe u vaksinua sot edhe si kontribut per te bindur gjithcka se vaksinimi eshte jetik”, shkruan Braçe.
Në stadiumin “Arena Kombëtare” u vaksinuan Margarita Xhepa, Tinka Kurti, Aleksandër Meksi, Alfred Moisiu, Dhimitër Anagnosti, Pirro Milkani, Fedhon Meksi, Besim Elezi, Alfred Serreqi, Sherif Meidani, Pëllumb Karagjozi etj., si dhe të moshuar të fashës 90-vjeçare, që u organizuan nga mjekët e familjes.
