Eksperti zgjedhor Andon Kume i ftuar në Quo Vadis në Vizion Plus tha se me anë të votës së diasporës, PS mund të marrë edhe mandatin e 13-të në qarkun e Fierit.
Ndërsa në tiranë, tha Kume, PS do të qëndrojë me 19 mandate, teksa diaspora do të ndikojë veç tek PD me Partinë Mundësia.
Ai u shpreh se PD do të shkojë në 14 mandate, ndërsa Partisë Mundësia do i hiqet një mandat, duke shkuar në 1.
“Duhet të mbajë dikush përgjegjësi se është humbje shumë e madhe në Fier, është skandal. Madje socialistët synojnë mandatin e 13-të me anë të votës së diasporës. Mund të marrin edhe mandatin e 13-të në Fier. PD do të marrë mandatin e 14-të në Tiranë. PS nuk merr më shumë se 19 mandate në kryeqytet. Loja tani është kundrejt PD dhe Partisë Mundësia. Besoj është i mundur kthimi i mandatit. Në Lezhë mendoj se nuk ndryshohet rezultati,” tha eksperti zgjedhor Kume.
