Mijëra qytetarë të Kosovës janë mbledhur pasditen e sotme në Prishtinë për të protestuar kundër vendimeve të Gjykatës Speciale ndaj ish-komandantëve të UÇK-së.
Në protestë marrin pjesë edhe ish anëtarë të Ushtrisë Çlirimtare Kombëtare (UÇK) si dhe ish-komandantë dhe liderë politikë.
I pranishën në protestë është edhe kreu i Partisë Bashkimi Demokratik për Integrim, Ali Ahmeti.
Gjatë fjalës së tij Ahmeti tha se lufta e UÇK ka qenë ndaj padrejtësive dhe ndaj pushtuesit dhe asnjëherë nuk ëashtë marrë me të pafajshmit dhe civilët.
“Kombi ynë, historikisht ka qenë i bashkuar, që një trup i vetëm, kur ne na është rrezikuar identiteti dhe dinjiteti. Sot, si një trup kemi këtu, për të kërkuar liri për çlirimtarët, që po trajtohen padrejtësisht mnga Gjykata Speciale Kemi dalë për të kërkuar të drejtën tonë. UÇK ka bërë luftë të drejtë, luftë për liri, luftë për çlirimin nga pushteti. UÇK i është përmbajtur ligjeve ndërkombëtare të luftës. Ajo asnjëherë nuk është marrë me të pafajshmit, nuk ka vrarë civilë. Lufta e saj ishte vetëm çlirimi. Serbia po bën gjithçka për zhbërjen e pavarësisë së Kosovës. Ajo po përpiqet të përmbysë çdo arritje në Kosovë”, tha Ali Ahmeti.
