Presidenti Ilir Meta ka shpërndarë një video nga protesta e mijëra bjellorusve kundër rizgjedhjes së Aleksander Lukashenkos në postin e Presidentit, pas zgjedhjeve presidenciale që u zhvilluan më 9 gusht.
Përmes këtyre pamjeve, kreu i shtetit shpërndan mesazhin e tij drejtuar qytetarëve shqiptarë se “fundi i autokratëve do të jetë njësoj” në Minsk a në çdo vend tjetër.
Meta thekson se kur populli flet vetë me zërin e tij, nuk ka forcë në botë që e ndalon.
“Në Minsk dhe kudo qoftë! Fundi i autokratëve do të jetë njësoj!Kur populli flet vetë me zërin e tij nuk ka forcë në botë që e ndalon! Në Minsk dhe kudo qoftë! Fundi i autokratëve do të jetë njësoj”, shkruan mes të tjerash Ilir Meta.