Nga kjo e mërkure, në Hungari, hyn në fuqi ligji që ndalon materialet që promovojnë homoseksualitetin ose ndërrimin e gjinisë tek të miturit. Konkretisht, ligji i ndalon fëmijëve dhe të rinjve librat, filmat me përmbajtjet tjeter, përveç heteroseksualitetit.
Sipas Kryeministrit të Hungarisë, Viktor Orban, ligji nuk është kundër komunitetit LGBTQI , por ka ne vemendje të drejtat e fëmijëve dhe prindërve.
Ndërkohë një ditë më parë,mbi pesëdhjetë gazetarë mbetën të plagosur gjatë një proteste kundër LGBTQI-së në kryeqytetin e Gjeorgjisë.
Mijëra protestues u mblodhën në Tbilisi në përgjigje të një marshimi , duke akuzuar mediat dhe gazetarët se po bëjnë propagandë në mbrojtje të LGBT.
Disa ndërtesa, përfshirë zyrat e organizatës “PRIDE”, ndërtesat që i përkasin partisë politike të opozitës dhe një organizate për të drejtat civile, janë dëmtuar nga sulmet e dhunshme.
Kryeministri, Irakli Garibashvili, dënoi dhunën ndaj medias duke e cilësuar si “kategorikisht të papranueshme”.
Të paktën dy gazetarë patën nevojë për ndërhyrje kirurgjikale pasi pesuan lendime në koke. Ministria e Brendshme e Gjeorgjisë ka arrestuar tetë persona , ndersa po shqyrtohen pamjet filmike.
Bashkimi Evropian, Kombet e Bashkuara, Shtetet e Bashkuara dhe rreth 20 ambasada të huaja lëshuan një deklaratë të përbashkët duke dënuar sulmet ndaj shoqërisë civile, medias dhe publikut.
