Pas shumë ditësh qetësi, Lushnja është rikthyer të përbëjë lajm këtë të shtunë pasi një person iu shtua listës së të prekurve nga Covid 19 në këtë qytet.
Bëhet fjalë për një 45 vjecar, që është I gjashti nga Lushnja që del pozitiv ne testin për Covid-19.
Pacienti I fundit u dërgua të premten në mbrëmje me urgjencë drejt spitalit Infektiv pasi gjëndja e tij ishte përkeqësuar si pasojë e kollës, temperaturës dhe problemeve në frymëmarrje,. Por ajo që frikëson më shumë në rastin e 45 vjecaritr, ka të bëjë me faktin se ky shtetas është pronar I një fabrike të përpunimit të produkteve bujqësore dhe ushqimore.
Ai ka të punësuar një numër të konsiderueshëm personash në biznesin e tij në dalje të qytetit të Lushnjes. Mirëpo ekipet që gjurmojnë rastet, fillimisht kanë vendosur ti bëjnë analiza 10 personave më të afërt të familjes. Natyrisht për këtë rast tek familja dhe punëtoret ka shumë ankth pasi bëhet fjalë për një rreth të gjërë njerezish dhe ajo që e ben edhe me shqetësues ka të bëjë me faktin se nuk dihet se ku e ka marrë 45 vjecari virusin e rrezikshëm.
