Prokuroria e Krimeve të Rënda: Imazhi ynë i cënuar rëndë, hetim nxjerrjes së sekretit

Prokuroria e Krimeve të Rënda reagoi pas daljes së 16 audio-përgjimeve të tjera nga gazeta BILD.

Drejtuesja e akuzës Donika Prela bën të ditur se ka filluar veprimet hetimore për verifikimin e elementëve të veprës penale të “Zbulimit të akteve ose të dhënave sekrete” të parashikuar nga neni 295/a i K.Penal.

Nisur nga publikimet audio te bera sot me date 17.06.2019 ne gazeten gjermane Bild, Prokuroria e Krimeve të Rënda njofton se ka filluar veprimet hetimore për verifikimin e elementëve të veprës penale të “Zbulimit të akteve ose të dhënave sekrete” të parashikuar nga neni 295/a i K.Penal.

Reklamë

Prela shton më tej në reagimin për mediat se po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.

Prokuroria e Krimeve të Rënda deklaroi se kjo situatë e paprecedente ka cenuar rende imazhin e organit të akuzës pasi cdo gjë është bërë në shkelje flagrante të ligjit.

Po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cënuar rëndë imazhin e Prokurorisë Shqiptare dhe që është kryer në shkelje flagrante të ligjit.