Prokurori i Tiranës, Shpëtim Kurti ka rezultuar me shkelje gjatë procesit të rivlerësimit.
Në seancën e zhvilluar këtë të enjte, KPK deklaroi se prokurori Kurti nuk kishte bërë deklarim të saktë pasurie.
Sipas raportit të paraqitur nga ILDKPI, Kurti ka fshehur pasurinë pasi ka mospërputhje deklarimesh në lidhje me pasuritë.
Apartamenti i rrugës Sulejman Pasha rezulton në mospërputhje me çmimin e blerë në vitin 2002. Ky apartament është deklaruar i blerë për 2 milionë lekë por në kontratën e shit-blerjes rezulton 1.5 milionë lekë.
