Arben Shkodra sekretar i përgjithshëm i Bashkimit të Prodhuesve Shqiptarë e konsideroi lajm të mirë faktin që marrja e shërbimeve në Shqiperim ka hyrë në një trajektore dixhitale.
Megjithatë ai shtoi gjatë bisedes në studionin e “7 pa pesë” ne Vizion Plus se kjo gjë nuk mjafton.
“Ne kemi nevojë të hyjmë në një reforme edhe më të madhe sesa kaq, reforme dhe rregullim te proceseve dhe procedurave burokratike që shteti ka ndaj prodhuesve. Nuk pot hemi që ti dixhitalizojmë edhe ato që janë. Ka ardh koha që të bëjmë një të bëjmë një inventor të madh të të gjithë procedurave brenda një biznesi. Pra ideja është që ne të lehtësojmë sa më shumë procedura, më teper sesa ti dixhitalizojmë të gjitha procedurat. 10 vjet më parë patëm një reforme në shërbime ku u krijua QKL dhe QKR të cilat u kthyen në një sportel të vetëm QKB. U lehtësuan shumë procedura, u hoqen disa hallka të tepërta nëpërmjet reformës së kaluar. Por në vitin 2013-2014 pati rikthim të disa procedurave nga disa ministra përkatës sepse donin të kishin dicka në dorë për biznesin, për ta monitoruar apo inspektuar por kjo e rëndonte të gjithe ecurinë e biznesit.
Arben Shkodra tha se biznesi nuk ka nevoje që ta lehtësosh vetëm nga taksat dhe tarifat, por ka nevojë që ti heqesh barrën e disa procedurave të tepërta që kryen në marrëdhenie me institucionet shtetërore brenda një viti.
Referuar samitit të Minishengenit dhe rezultatet që ato që mund të prodhojnë në favor të bizneseve, Arben Shkodra i konsideroi butaforike e mediatike, diskutimet e deritanishme dhe vetëm një marrëveshje në rrafshin politik, asgjë më shumë sipas tij.
“Besoj kemi të bëjmë vetëm me një marrëveshje në kuadrin politik. Kosova nuk është, Bosnja nuk është. Do futemi në zgjedhje në muajin maj në Serbi, Maqedonia e Veriut zgjedhje ne prill. Është thjesht butafori. Ne kemi platform mbi këtë gjë. Shqipëria ende nuk ka bërë detyrat e shtëpisë. Qeveria të bëjë pyetjet njehere, “Kush prodhon dhe cfarë në vendin tonë”. Ne nuk kemi statistika në lidhje me atë që prodhojmë, sa meshkuj e sa femra punojnë, moshën e tyre e shumë detaje të tjera. Si mundet që të bëjmë marrëveshje rajonale, kur ne nuk kemi studime për atë që prodhojmë, resurset, mundësite që kemi, e shumë e shumë aspekte të tjera. Ne nuk kemi studim të konkurueshmërisë në Shqipëri. Edhe ne nuk jemi pyetur pasi sic thashe, më shumë është marrëveshje politike sesa ekonomike. E rëndësishme është që fillimisht të ndërtojmë një profil ekonomik shqiptar të qënësishëm”.
Shkodra deklaroi se largimi njerezve drejt vendeve perendimore është proces normal në kuadër të globalizimit. E rëndësishme, sipas tij është që Shqipëria të fillojë të prodhojë sa më shumë fuqi punetore të kualifikuar pasi vendi fatkeqësisht nuk po prodhon fuqi punëtore të kualifikuar.
