Nga data 1 Qershor në vend do të ndalohet prodhimi, tregtimi dhe përdorimi i qeseve plastike.
ZëvendësMinistrja e Mjedisit Almira Xhembulla, ishte sot në studion e lajmeve në ‘Vizion Plus’ dhe sqaroi se për cilat kategori qesesh bëhet fjalë dhe cfarë parashikon ligji për të gjithë ata që tregtojnë dhe përdorin këto lloj qesesh.
Zv.Ministrja theksoi se qytetarët janë të përjashtuar nga penalitetet nëse do të kapen duke përdorur këto qese por e njejta gjë nuk do të ndodhë me tregtuesit dhe prodhuesit.
Xhengulla sqaroi se vendimi për ndalimin e qeseve është marrë pas konstatimeve dhe nivele të larta të ndotjes prej këtyre qeseve në territoret ujore dhe tokësore në vendin tonë.
“Nesër ndalohen të gjitha qeset palstike një përdorimshe. Bëhet fjalë për qeset e përmasave më pak se 70 mikron me kapacitet mbajtës deri në 10 kilogramë. Ne kemi marrë masa dhe kemi informuar të gjitha strukturat e përfshira. Janë pikërisht ato qese që qytetarët i përdorin rëndom në jetën e përditshme. Vendimi për ndalimin e qeseve plastike ngarkon Inspektoratin Shtetëror të Mbikëqyrjes së Tregut i cili do të kontrollojë të gjitha njësitë nga tregjet, marketet etj…Drejtorinë e Përgjithshme të Doganave dhe Agjencitë Rajonale të Mjedisit, të cilat duhet të raportojnë periodikisht çdo javë.
Konsumatori është i përjashtuar nga gjoba. Janë paracaktuar masa të hollësishme me gjobë. 5 milionë të vjetra për herë të parë dhe sekuestrim i sasisë për ata që tregtojnë këto qese. Çdokush që tregton qese plastike gjobitet. Kemi shpërndarë informacionin, të gjithë duhet të tregojnë kujdes sepse që nga nesër fillon një epokë e re.
Çdokush ka mundësi të japë kontributin e tij, të kujdeset për mjedisin. Ka shumë shtete të BE që e kanë marë këtë nismë kanë, ndaluar nje sërë produktesh plastike jo vetëm qeset, si Gjermania, Franca etj…
Nga statistikat ne kemi vënë re që ndotësit kryesore të territoreve ujore dhe tokësore janë këto qese. Ndotja e mjedisit prej tyre jo vetëm po shkakton kosto ekonomike por edhe dëme në jetën e qytetarëve.”
