Ministrja e Infrastrukturës dhe Energjetikës, Belinda Balluku ka bërë me dije se si paraqitet situata në disa zona të cilat kanë patur problematika me energjinë elektrike si pasojë e motit të keq.
Balluku ka deklaruar se, mëngjesin e sotëm zona e Veriut dhe Juglindjes, është përfshirë nga reshje dëbore dhe erëra të forta.
Pavarësisht kushteve të vështira të motit grupet e OSSH kanë ndërhyrë për riparimin e defekteve në rrjetin elektrik.
“Prej mëngjesit të sotëm, kryesisht zona e Veriut dhe Juglindjes, është përfshirë nga reshje dëbore dhe erëra të forta. Pavarësisht kushteve të vështira të motit, grupet e punës së OSSH kanë ndërhyrë për riparimin e defekteve në rrjetin elektrik.
Rajoni i Korçës është stabilizuar, po ashtu edhe Kukësi dhe zonat përreth. Ka ende disa zona në vend ku elektriçistët po vijojnë punën me ritme të kushtëzuar nga moti, në zbatim të sigurisë teknike.
Linjat 35kV dhe rrjeti që furnizon hidrovoret apo institucionet e rëndesisë së veçantë janë në funksion të plotë”, shkruan Balluku./vizionplus.tv
