Komisioni Qendror i Zgjedhjeve ka gjobitur disa krerë të pushtetit vendor, pasi kanë marrë donacioneve jashtë rregullave që ky institucion parashikon.
Sipas KQZ, kryetarët e gjobitur nuk i kanë marrë financimet e fushatës së tyre në rrugë bankare të deklaruar, por në forma të tjera.
KQZ gjobiti kreun e Bashkisë Belsh, Arif Tafani me 206 mijë lekë, kryebashkiakun e Fierit Armando Subashi me 138 mijë lekë; kryebashkiaken e Durrësit Emirjana Sakon me 75 mijë lekë, kryebashkiakun e Kuçovës Kreshnik Hajdari me 500 mijë lekë; Majlinda Bufin e Roskovecit me 243 mijë lekë, Mariglen Dishën e Librazhdit me 125 mijë lekë; Agron Malajn e Burrelit me 80 mijë lekë, Bukurosh Maçin e Peqinit me 70 mijë lekë, Albert Mlyshin e Mirditës me 300 mijë lekë, Bardh Spahian, kandidatin e PD në Shkodër me 445 mijë lekë.
Gjithashtu është gjobituar edhe Bujar Hoxha, kandidat i PD në Urën Vajgurore 156 mijë lekë, Igli Cara, 368 mijë lekë; Lefter Maliqi 170 mijë lekë, Luçiano Boçi 72 mijë lekë, Pjerin Ndreu 720 mijë lekë.
Po kështu KQZ gjobiti për shkelje të Kodit Zgjedhor subjektet politike, PS me 300 mijë lekë dhe PD me 200 mijë lekë./vizionplus.tv
