Prishtinë/ Protesta kundër dënimeve të ish-krerëve të UÇK-së, qytetarët mbushin sheshin “Skënderbeu”
Qindra qytetarë janë mbledhur sërish në sheshin “Skënderbeu” në Prishtinë, për të kundërshtuar vendimin e Dhomave të Specializuara të Kosovës në Hagë ndaj katër ish-krerëve të UÇK-së.
Në tubim marrin pjesë veteranë të UÇK-së, familjarë të të dënuarve dhe qytetarë nga qytete të ndryshme të Kosovës. Protestuesit kanë shprehur kundërshtimin ndaj dënimeve të dhëna për Hashim Thaçin, Kadri Veselin, Jakup Krasniqin dhe Rexhep Selimin, duke kërkuar që vendimi të kundërshtohet përmes procedurave të apelimit.
Ky është tubimi i dytë i zhvilluar gjatë ditës së sotme në Prishtinë, pas vendimit të 16 shtatorit. Thaçi dhe Krasniqi u dënuan me nga 25 vite burgim, Veseli me 18 vite, ndërsa Selimi me 13 vite burgim.
Protestuesit kanë kundërshtuar vendimin e gjykatës dhe mënyrën e trajtimit të luftës së UÇK-së.
/vizionplus.tv
