Fokusi i qeverisë së re në Mal të Zi, që udhehiqet nga udheheqesi i lëvizjes Ura, Dritan Abazovic, është integrimi i shpejte ne BE.

 

Këtë prioritet e ka bëre të ditur ministrja për Çështjet evropiane, Jovana Marovic e cila ka theksuar se kabineti i ri do të ndërmarrë disa hapa konkrete për të arritur qellimin. Ajo akuzoi qeverinë e kaluar për dështimin ne procesin e integrimit.

 

JOVANA MAROVIÇ
MINISTRE PËR ÇESHTJET EVROPIANE

“Në momentin kur është dashur të kalohet në nivel politik dhe të sigurohen rezultate në fushën e sundimit të ligjit, nuk ka pasur rezultate dhe progres. Ata nuk patën sukses. Dhe tani qeveria e 43-të malazeze pritet të përshpejtojë procesin e negociatave. Ne kemi hapur zyrtarisht të gjithë kapitujt, kemi miratuar një metodologji të re dhe tani na takon ne të japim rezultate të mëteshme.”

 

Por qeveria e re në malin e zi ka ngjallur pakenaqësinë e partive pro- serbe. Kryetari i Lëvizjes për Ndryshim ,njëhërësh anëtar i Frontit Demokratik, Nebojsha Medojevic, akuzoi Dritan Abazovic se po tenton të jetë pjesë e një rajoni antiserb, antirus dhe antiortodoks.

 

Ndërkohë, me rastin e festës së fiter bajramin kryeministri abazovic ka qenë i pranishëm në xhaminë qendrore të Ulqinit, ku ka falur namazin bashkë me besimtarët e tjerë.

Leave a Reply

Your email address will not be published.