Presidenti i Izraelit, Isaac Herzog, theksoi se vendi nuk duhet të neglizhojë marrëdhëniet me aleatët rajonalë dhe se nuk duhet të pranojë izolimin që armiqtë përpiqen t’i imponojnë.
Edhe pse Herzog nuk përmend direkt emra, një burim nga zyra e tij bëri të ditur se ai i referohet kryesisht Emirateve të Bashkuara Arabe, sipas raportimeve të “Times of Israel”.
Gjatë një fjalimi në ceremoninë përkujtimore për presidentët dhe kryeministrat e ndjerë të Izraelit, Herzog deklaroi se ekzistojnë shumë vende me të cilat, pavarësisht mosmarrëveshjeve të thella dhe pozicioneve që ai i refuzon fuqishëm, Izraeli ka lidhje të gjera dhe të rëndësishme, përfshirë edhe lidhje ekonomike.
“Këto vende janë pjesë e botës që drejtohet nga Perëndimi, ku ne dëshirojmë të qëndrojmë. Në këto vende ekziston një publik i madh dhe i rëndësishëm që mbështet Izraelin dhe dëshiron të dëgjojë zërin tonë,” shtoi ai.
Presidenti nënvizoi nevojën për të vepruar në mënyrë diplomatike dhe me diplomaci publike, me qëllim dhe vendosmëri, pa lënë pas dore asnjë fushë: “Duhet të flasim me të gjithë dhe të veprojmë në mënyrë proaktive. Nuk duhet të braktisim lidhjet tona. Nuk duhet të prishim urat tona.”
