Presidenti i Republikës Bajram Begaj ka uruar Talat Xhaferin për marrjen e detyrës së kryeministrit të qeverisë teknike në Maqedoninë e Veriut.
“Pavarësisht kufizimit në kohë e kompetenca, kjo qeveri ka sfidën të realizojë zgjedhje të lira e të ndershme, për të ruajtur kursin euro-atlantik të vendit si dhe të dëshmojë aftësinë për të qenë bashkëpunuese me të gjithë faktorët pa dallim politik dhe etnik”, shprehet kreu i shtetit në reagimin e tij.
Duke nënvizuar se shqiptarët janë faktorë për stabilitetin e Maqedonisë së Veriut Presidenti Bajram Begaj thotë ky është rasti që qeveria të dëshmojë se perspektiva e vendit është integrimi në Bashkimin Evropian.
/vizionplus.tv
