Dy adoleshente janë prangosur nga policia në Tiranë pasi akuzohen si autor të disa grabitjeve në kryeqytet.
I. L., 14 vjeç, banues në Tiranë dhe K. S., 16 vjeç, banues në Kamëz ranë në pranga ndërsa u shpallën në kërkim të të miturit e tjerë F. B., 14 vjeç dhe E. M., 14 vjeç, të dy banues në Tiranë.
Lista e vjedhjeve që ata kanë bërë në dyqane dhe biznese është e gjatë ndërsa zakonisht hidheshin në aksion natën.
Në bulevardin “Gjergj Fishta” kanë vjedhur një shumë në euro dhe në lekë, në një agjenci siguracionesh;
– Në rrugën “Gjin Bue Shpata” kanë vjedhur një shumë lekësh në një dyqan;
– Në rrugën “Dritan Hoxha” kanë tentuar të vjedhin në një farmaci;
– Në rrugën “Ibrahim Rugova” kanë vjedhur një sasi lekësh në një farmaci;
– Në rrugën “Perlat Rexhepi” kanë vjedhur një shumë lekësh në një bulmetore;
– Në bulevardin “Bajram Curri” kanë vjedhur në një lokal.
Gjithashtu, nga tërësia e veprimeve hetimore të kryera ka rezultuar se shtetasit e mësipërm janë autorë edhe të tri vjedhjeve të tjera të ndodhura më parë, konkretisht:
– Më datë 14.01.2020 kanë vjedhur në bulevardin “Gjergj Fishta” zyrat e tre shoqërive siguracionesh.
