Mijëra zjarrëfikës po luftojnë me zjarret masive që kanë përfshirë Portugalinë qendrore prej 4 ditësh. Ushtria e ndihmuar nga 328 automjete dhe 13 aeroplanë po vijojnë përpjekjet për shurjen e flakëve që përfshinë vendin që prej të shtunës.
Temperaturat që shkojnë në 40 gradë Celsisus dhe erërat e fuqishme po e vështirësojnë betejën kundër vatrave të mëdha. Banorët e disa fshatrave janë evakuar.
Këto janë pamjet kur forcat e ndërhyrjes së shpejtë largojnë të moshuarit nga banesat e tyre të cilat rrezikojnë të përfshihen nga flakët. Mediat portugeze shkruajnë se deri më tani janë 30 të lënduar, një prej të cilëve në gjendje kritike për jetën.
E mbuluar me pemë të larta dhe pisha, Portugalia qëndrore goditet shpesh nga flakët në sezonin e verës, ndërsa terreni kodrinor e vështirëson ndërhyrjen e shpejtë të zjarrëfikësve.
Deri më tni 8,500 hektarë janë shkrumbuar, shifër kjo më e ulët në krahasim me zjarrin e 2017-s, që shkaktoi 64 viktima dhe shkrumboi 55 mijë hektarë tokë brenda disa ditësh.
