Pas hekurave të qelisë, lideri i opozitës ruse, i ndjeri Alexei Navalny, vazhdonte pa ndaur përpjekjen e tij për të bojkotuar rivalin politik Vladimir Putin përpara zgjedhjeve presidenciale, të cilat nisin nesër dhe përfundojnë të dielën.
Ndonëse i izoluar në një burg në Siberi, Navalny ishte në gjendje t’u transmetonte mesazhe mbështetësve të tij përmes një plani për të zgjuar opozitën.
Lexo edhe :
Related Posts
Plani i Navalny kundër Putinit për të hedhur në erë zgjedhjet
Siç raporton Politico, më 1 shkurt në llogarinë e tij është postuar një mesazh përmes platformës X (ish-Twitter), duke dhënë udhëzimet e para për ndjekësit e tij me rastin e zgjedhjeve.
“Më pëlqen ideja që votuesit anti-Putin të shkojnë së bashku në qendrat e votimeve në orën 12 të mesditës. Në mesditë, të gjithë të dalin kundër Putint…Pra, çfarë mund t’i bëjnë ata votuesve? A do të mbyllen qendrat e votimit në orën 12 të mesditës? A do të organizojnë një tubim në mbështetje të Putinit në orën 10 të mëngjesit? A do të regjistrojnë të gjithë ata që kanë ardhur në mesditë për t’u futur në listën e zezë si të pabesueshëm? Për një kohë të gjatë, të gjithë kanë supozuar se zgjedhjet në Rusi nuk do të jenë as të lira dhe as të ndershme. Putini do të jetë i vetmi kandidat, me të gjithë kritikët e tij të shquar të vdekur, të burgosur, të internuar ose “të prerë” nga fleta e votimit.
Por me paraqitjen e kritikëve të Putinit në orën 12 të mesditës, rusët mund të shprehin mosmiratimin e tyre për votën e rreme të vendosur nga Kremlini për t’i dhënë njohjen e plotë Putinit pas sulmit të tij ndaj Ukrainës”, shkruan Polititco.
Vdekja e Navalny-t vetëm dy javë pas 1 shkurtit, të cilën Kremlini ia atribuoi shkaqeve natyrore, është një pretendim i diskutueshëm ashpër nga mbështetësit dhe familja e tij, të cilët thonë se ai padyshim ishte helmuar nga regjimi rus.
Vrasja e liderit 47-vjeçar të opozitës i ka dhënë një shtysë të re lëvizjes, raporton Politico.
Mijëra rusë e përballuan të ftohtin e ashpër ndërsa prisnin me durim në radhë për të vendosur disa lule në varrin e Alexeit, me të venë e tij, Julia Navalnaya, duke inkurajuar aktivistët të bënin detyrën e tyre duke ndjekur hapat e tij, ashtu siç kishte dashur me zjarr i shoqi./vizionplus.tv/
