Policia e Kukësit vuri në pranga dy të rinj këtë të martë. Të dy ata u arrestuan për “Prodhim dhe shitje të narkotikëve” si edhe për “Armëmbajtje pa leje”.
Efektivët si fillim prangosën 24-vjeçarin, në mjetin e të cilit u gjetën një armë zjarri tip kallashnikov, 3 karikator, 81 fishekë dhe 350 gramë kanabis.
Pas arrestimit, i riu tregoi se lëndën narkotike e kishte blerë nga një 33-vjeçar. Pas kësaj, uniformat blu ushtruan kontrollin në shtëpinë e 33-vjeçarit dhe gjetën një armë zjarri pushkë, 19 fishekë, 525 gr. kanabis dhe një sasi parash.
