SPAK ka nisur procedurat për të shpallur në kërkim ndërkombëtar ish-kryeprokurorin Adriatik Llalla, të cilin GJKKO e dënoi me 2 vite burg për “fshehje dhe mosdeklarim të pasurisë” dhe heqje e të drejtës për 5 vjet nga ushtrimi i posteve publike.
Policia e Tiranës nuk e ka gjetur Llallën brenda vendit dhe për këtë arsye i kë dërguar SPAK relacionin se Llalla nuk ndodhet brenda Shqipërisë. Në shkresën e saj, Policia bën me dije se ka bërë të gjitha verifikimet me metoda speciale, por Llalla nuk “figuron”.
Dyshohet se Llalla mund të jetë larguar jashtë vendit pak ditë para shpalljes së vendimit të gjykatës.
