Deputeti i dalë nga listat e LSI, Ralf Gjoni është marrë në mbrojtje nga Policia e Shtetit.
Ka qenë vetë Gjoni ai që në një postim në “Facebook” ka njoftuar se pas incidentit të së enjtes ku u sulmua me bojë forcat e rendit I kanë ofruar mbrojtje.
Deputeti Ralf Gjoni u ka bërë thirrje të gjithë kandidatëve të listave elektorale që të mos intimidohen nga partitë opozitare port ë marrin mandatet pasi vendi ndodhet në një moment të vështirë.
“Shpresën nuk duhet t’a presim si dhuratë nga të tjerët, por duhet t’a krijojmë vetë. Falenderoj Policinë e Shtetit për reagimin e menjëhershëm dhe mbrojtjen e ofruar gjatë ditës së djeshme e në vazhdim si dhe miqtë dhe njerëzit e mirë të shumtë që më ofruan mbështetjen e tyre gjatë ditës së betimit në Kuvend. U bëj thirrje të gjithë kandidatëve në listat elektorale të mos intimidohen nga rruga por të marrin përgjegjësitë e tyre në këto momente të vështira për vendin. Askush nuk duhet lejuar të cënojë të drejtën themeltare të përfaqësimit në parlament, përndryshe kemi të bëjmë me terrorizëm politik!
