Njësitë Speciale të Policisë së Kosovës kanë zhvilluar një aksion në katër komunat e veriut me shumicë serbe.
Aksioni është zhvilluar rreth orës 05:00 të mëngjesit ndërsa raportohet se pesë persona janë vënë në prangat e policisë.
Sipas mediave kosovare, të arrestuarit dyshohet se janë pjesë e një grupi të strukturuar kriminial.
Ndërkohë aksioni policisë ka ngjallur shqetësim në Serbi, ku sipas mediave serbe, Presidenti Aleksandër Vuçiç ka urdhëruar të të gjitha njësitë e ushtrisë që të jenë në gatishmëri.
Reagimi i tij ka ardhur pas raportimeve se në Mitrovicë, Zubin Potok dhe komuna tjera janë arrestuar pjestarë serb të policisë.
