Pretendimet e disa partive dhe mediave në greqi se Kostandinos Kacifas vdiq hero per te ngritur flamurin grek në Bularat i hedh poshtë policia greke.
Sipas zyrtareve te policisë se vendit fqinj nuk ka elementë qe te lidhin përplasjen e armatosur nga ku mbeti i vrarë 35 vjeçari Kostandinos Kacifas me ngritjen e flamurit grek. Sipas njoftimit ka pasur komunikime të vazhdueshme të drejtuesit Aristidhi Andhrikopulu me homologun e tij shqiptar në kuadër të bashkëpunimit për zbardhjen e ngjarjes.
Ndërkohë kanë filluar procedurat për pjesëmarrje dhe të palës greke në hetim për zbardhjen e plotë të rrethanave të ngjarjes.
Nga të njëjtat burime mesohet se pala greke po bën maksimumin për tu perfshire në hetime.
Drejtori i pergjithshem i policisë greke konfirmoi se Kostandinos Kacifas i veshur me uniformë kamuflazhi ishte i armatosur me kallashnikov dhe si fillim qëlloi në ajër dhe më pas patrullën e policisë. Po sipas policise greke i riu u gjet në një shpat mali afër shtëpisë së tij. Policia shqiptare kërkoi përforcim me forcat speciale , të cilët shkuan me helikopter.
U shënuan goditje me armë me pasojë vdekjen e Kostandinos Kacifes. Ngjitur me viktimën u gjetën në çantë 100 plumba kallashnikovi dhe nje thike, raportojne burime të policisë greke.
