Një ngjarje tragjike është shënuar në Himarë, në zonën e njohur si “Gjiri i Filikurit”, ku ka humbur jetën një turiste holandeze.
Sipas informacioneve paraprake, shtetasja M. B., 23 vjeçe, ka rënë aksidentalisht gjatë zbritjes nga një shkëmb me litar. Pavarësisht ndihmës së parë dhe përpjekjeve për transportimin e saj nga Policia Kufitare, ajo ka ndërruar jetë si pasojë e plagëve të marra.
Gjithashtu, gjatë momentit të ngjarjes ka ndodhur rrëshqitje gurësh, ku është lënduar një tjetër turiste, J. L., 18 vjeçe, me shtetësi franceze, e cila ndodhej pranë vendit të ngjarjes dhe po merr ndihmë mjekësore në spital.
Grupi hetimor ndodhet në terren dhe po punon për zbardhjen e plotë të rrethanave të ngjarjes.
/vizionplus.tv
