Një grabitje ka ndodhur në orët e natës në Thumanë. Një 62-vjeçar, banues në Tiranë, është paraqitur në komisariat për të bërë denoncimin.
Sipas tij, tre persona të paidentifikuar i kanë dalë para dhe e kanë kërcënuar me sende të forta, teksa drejtonte një furgon mallrash të ngarkuar me banana.
Pasi i kanë grabitur mjetin, autorët janë larguar. Gjatë krehjes së zonës, efektivët arritën të gjejnë mjetin në Kurbin, ndërsa puna për të kapur grabitësit vijon.
