Mbi 100 familje në fshatin Kraps të njësisë Portëz në Fier janë ankuar se prej 4 ditësh u është transferuar gjendja civile në Patos. Prej 30 vitesh banorët e këtij fshati kanë paguar takstat dhe kanë marrë shërbimet në Bashkinë e Fierit. Ata kërkojnë që të kthehet gjendja civile në vendbanimet e tyre ku kanë jetuar.
Janë 130 familje, 478 votues. Në një kohë pandemie na bën edhe një puç tjetër Bashkia e Fierit, na çon në Patos. Ku do të lëvizim ne me këtë sëmundje.
Për të na sorollatur neve popullin. Taksat i merr Fieri, certifikatat i merr në Patos.
Ne kërkojmë të kthehemi atje prap atje ku ke qemi me gjendje civile në Portëz, që na merr Bashkia e Fierit.
Mungesa e infrastrukturës rrugore është një tjetër problematikë që ngritën banorët e zonës. Segmenti prej 4 km, sipas tyre nuk ka pasur asnjë investim prej vitesh. Ata thonë se kanë vështirësi për të çuar fëmijët në shkollë.
Ndërsa gjendja civile e Fierit ka reaguar duke e arsyetuar këtë situatë me një gabim në adresarin e sistemit dhe u ka kërkuar qytetarëve të drejtohen pranë sporteleve për të konfirmuar adresën.
