Disa ditë më parë, në një nga daljet e tij publike, Ilir Meta duke iu drejtuar kreut të SPAK, Altin Dumani, deklaroi se “do t’ia shkatërronte celulën kriminale edhe nga burgu”.
Ditën e sotme, përballë analistit Mentor Kikia dhe kryeredaktorit të “Vizion Plus”, Roland Zili, ish-Presidenti i vendit tha në studion e “Quo Vadis” se nuk i trembet asnjë arrestimi.
Lexo edhe :
Më herë, në studion e Vizion Plus, Meta deklaroi se në krye të çdo institucioni të drejtësisë është sekretari i përgjithshëm i kryeministrisë, Engjëll Agaçi.
Mentor Kikia: Përderisa ju thoni se Agaçi kontrollon Prokurorinë dhe Gjykatat dhe nëse ai e Rama duan Ilir Metën në burg, a mund t’iu çojnë në burg?
Ilir Meta: Mua më duket sikur kur del Dumani është i burgosur, nuk është i lirë. Unë jam i lirë kudo që të jem, PL është e pamposhtur.
Pranvera Borakaj: Po Monika Kryemadhin a mund ta çojnë?
Ilir Meta: Ka një energji nukleare…
Roland Zili: Si do t’i përgjigjeni zërave që ju e bëni këtë aksion politik si një mbrotjte politike ndaj një arrestimi të mundshëm nga SPAK.
Ilir Meta: Këto janë përalla. Kjo që po ndodh është një rithemelim i PL-së, është një vazhdimësi e LSI-së, ka pësuar një transformim që nuk është reflektuar në ato dimensione që kërkon, që të meritosh emrin e PL-së për arsye nga më të ndryshmet të cilat nuk është koha t’i shpjegojmë këtu. LSI sot do të ishte të paktën forca e dytë politike në vend nëse nuk do kishte djegur mandatet. Mandatet u dogjën dhe për shkak të nepotizmit.
